Ab tak aapne padha ki Abhi ne Anju ke sath majaak karne ke liye Priyanka ka sahara liya aur uske mumme dabaane ki acting ki. Jis se Anju naaraj ho gayi.

Ab aage…

Breakfast karte huye Rajesh, Kabir, Priyanka ne bhi note kiya ki Anju Abhi se thodi khinchi khinchi si rah rahi hain. Unhone iska kaaran bhi puchha.

Kabir: “Abhi ne jarur kuchh kiya hoga. Aaj ke din mahaul kharaab mat karo. Anju tum mere saath chalo”

Kabir ne Anju ko apne saath liya aur uska mood thheek karne ke liye Abhi se thoda dur le gaya. Usko break fast karwaya aur kuch logo se milwaya.

Dusri taraf Rajesh aur Priyanka ne milkar Abhi ko gher liya ki usne aesa kya kiya ki Anju naaraj ho gayi.

Abhi: “Maine ek chhota sa majaak kiya aur Anju naaraj ho gayi”

Rajesh: “Aesa kya kar diya!”

Abhi: “Kal raat maine Anju ko bola tha ki main kisi aur ladki ke mumme daba dunga”

Rajesh: “Itni si baat se wo naaraj ho gayi?”

Abhi: “Aaj subah jab Priyanka humein uthhhane aayi thi to maine Priyanka ko aankh band kar khade rahne ko kaha tha aur iske mumme dabaane ki acting ki thi”

Priyanka ka muh khula ka khula rah gaya aur sharmaate huye gusse mein usne ek jor mukka Abhi ke baaju par maar diya. Rajesh aur Abhi khilkhilakar hans rahe the.

Priyankai: “Tumney mera istemaal is kaam ke liye kiya! Tum aesa ganda sochte bhi kaise ho, tumse mujhe yeh ummeed nahi thi Abhi”

Abhi: “Yeh original idea Rajesh ka hi hain. Rajesh ne college time par exactly yahi kiya tha, yaad hain tumhaare birthday par Rajesh ne tumhe ankh band kar khade rahne ko kaha tha!”

Priyanka: “Haa, magar wo to gift dene ke liye aankh band karwayi thi”

Rajesh: “Nahi, maine Kabir ko kaha tha ki tum mujhe apne mumme dabvaaane ka return gift dene wali ho. Tumhaare aankh band karne ke baad maine apne dono haath tumhaare mummo ke aage nachaaye the”

Priyanka: “Main ja rahi hoon, main bhi naaraj hoon”

Rajesh ne Priyanka ki kalai pakad kar apne paas khinch kar roka.

Rajesh: “Chinta mat karo, maine us din tumhaare mummo ko haath nahi lagaya tha aur Kabir ko bhi lag gaya ki maine jhooth bola tha ki tumney mujhe mumme dabaane ki permission di thi”

Priyanka ko thodi saantavana mili. Wo teeno hi hans rahe the. Thodi der baad Anju ko lekar Kabir aa gaya.

Priyanka: “Anju, abhi Abhi ne bataya ki usne tumhare saath kya majaak kiya tha. Tum chinta mat karo, yeh gande majak karna in sabki aadat hain”

Kabir: “Ek news hain, jab hum sab log morning mein so rahe the, tab mujhe message mila, Shifa apne ghar se yaha aane ko nikal chuki hain”

Anju ke alawa sabne Abhi ki taraf dekha jo sharma raha tha. Kuchh ghante baad baarat nikalne se pehle ki taiyari chal rahi thi aur Kabir ne sabko uske hisaab se taiyari karne ko bol diya.

Rajesh: “Magar baarat jaayegi kaha? Aarushi ki family yaha aane wali hain?”

Kabir: “Nahi, yahi paas mein hi Aarushi ki family ka bhi pushteni ghar hain. Baarat wahi jaayegi. Mujhe bhi pehle pata nahi tha ki Aarushi ka root bhi yahi se hain. isliye to shaadi yaha rakhwaayi hain”

Sab log baarat mein jaane ke liye taiyar ho rahe the. Anju aur Priyanka ne bhaari lahanga choli pahna tha to ladko ne sherwani pahni thi.

Abhi aur Rajesh jaldi taiyar hokar Kabir ke paas gaye taaki uski bhi taiyar hone mein help kar sake. Priyanka aur Anju apna make up karne mein busy thi. Taiyar hote huye Kabir ko ek message mila.

Kabir: “Shifa baahar aa chuki hain. Tum me se koi usko yaha lekar aayega?”

Abhi ne apne daato se apne honthh ko dabaate huye apne emotions dabaa liye. Rajesh ne Abhi ki peethh thapthaap di.

Rajesh: “Ja Abhi ja, le aa apni Simran ko”

Kabir: “Tu control rakhna Rajesh, Shahbaz ke saamne aesa waisa kuchh bol mat dena varna Shifa musibat mein aa jayegi. Abhi tu ja Shifa ko receive karne”

Abhi nervous hokar kamre se baahar nikla aur haveli ke darwaaje ki taraf badha. Raaste mein usko Priyanka aur Anju bhi taiyar hokar aati huyi dikhayi di jo Kabir ke room ki taraf aa rahi thi.

Priyanka: “Kaha ja rahe ho Abhi, hum log to idhar hi aa rahe hain!”

Abhi: “Wo .. aayi hain …”

Abhi ke muh se aur kuch nahi nikla aur shabd atak gaye. Anju aascharya se dekh rahi thi par Priyanka ko sab samajh aa chuka tha.

Abhi: “Priyanka tum chalogi saath mein?”

Priyanka: “Nahi, yeh kaam tumhe hi karna hoga”

Priyanka ne Anju ki kalai pakdi aur khinch kar apne saath Kabir ke kamre ki taraf badh gayi. Abhi ek baar phir bhaari kadmo se baahar ki taraf jaane laga.

Baahar kaafi log the aur achchhi khhaasi chahal pahal thi jo shaadi waley ghar ke baahar hoti hain. DJ par romantic music baj raha tha.

Idhar Priyanka aur Anju Kabir ke kamre ke baahar the aur darwaje par knock kiya. Kabir ne andar se hi awaaj laga kar andar aane ki ijaajat di.

Dulhan ki tarah saji Priyanka lahange aur choli mein kamre ke andar aayi. Uske saath mein Anju bhi utni hi saji sawri andar daakhil huyi par Kabir ki najre to Priyanka par hi tiki thi.

Anju par bhi kisi ki najar thi par wo Rajesh tha. Yellow aur blue color ke lahange choli mein gauri damkati Anju ko dekh kar Rajesh ke chehre par ek smile aa gayi. Rajesh ne aage badhte huye Anju ka raasta rok diya aur taarifo ke pool baandh diye.

Rajesh: “Yaaar Anju, tum aaj Anju nahi Urvashi lag rahi ho aur yeh apsara swarg se utar kar yaha jamin par kaise aa gayi hain! itna husn kaha se laati ho tum roj!”

Anju apni taarife sun sharmaaye huye sikudi ja rahi thi. Dusri taraf Kabir bina bole hi Priyanka ki najro se najre milaaye bahut kuchh kahte huye uski taarif kar raha tha.

Priyanka kabhi apni najre jhuka leti to kabhi Kabir se najre mila kar sharma uthhti. Priyanka ne phir us ajeeb stithi se baahar aate huye baat shuru ki.

Priyanka: “Bahut achchhe lag rahe ho dulhe ke vesh mein”

Kabir: “Tumhaare saamne kuchh bhi nahi hoon. Hamesha ki tarah bahut attractive lag rahi ho tum”

Rajesh ne bhi apni saari taarife puri tarah Anju ke upar undhel kar lagbhag khatm kar di thi. Anju aur Rajesb phir kabir ki taraf palte. Kabir aur Priyanka aas paas sharmaaye khade the.

Anju: “Rajesh, in dono ko dekho, aesa lag raha hain ki dulha dulhan yeh dono hi hain. Tum dono ki jodi achchhi lag rahi hain”

Kabiir aur Priyanka smile karte sharmaane lage.

Rajesh: “Agar main nahi hota to shayad aaj yaha in dono ki hi shadi ho rahi hoti. Main soch raha hoon ki aaj phir se shaadi kar lu, tum ready ho na Anju iske liye?”

Anju: “6 mahine pehle hi main kisi ke saath bandh chuki hoon, pehle bolte to alag baat thi”

Rajesh: “Shaadi naa sahi, suhaagraat hi mana lo mere saath!”

Priyanka phir Kabir se thoda dur ho gayi aur Rajesh ke paas aa gayi.

Priyanka: “Kya kuchh bhi bolte rahte ho!!””

Rajesh: “Khubsurat ladkiyo ki taarif to honi chahiye”

Anju: “Yeh Abhi kisko lene gaya hain?”

Rajesh: “Thodi der ruko, phir mil lena apni saut…”

Priyanka ne ek haath se Rajesh ki peethhh par haath lagaate huye usko bolne se roka. Rajesh bolte bolte ruk gaya. Anju aadhe adhure sentence ko sunkar thoda aascharya mein pad gayi.

Anju: “Kya bol rahe the?”

Priyanka: “Kuchh nahi, hamare college ki friend Shifa ko lene gaya hain Abhi”

Anju: “Haa, kal tum log baat rahe the koi aane wala hain”

Udhar Abhi ki najre itne logo ke beech light green anarkali kurta pahne aur khule baalon mein khadi Shifa par padi. Usko to Shifa kaafi saari bheed mein bhi aasaani se pahchaan sakta tha.

Halki sardi ki us gulaabi dhoop mein jab surya ki kirne Shifa ke chehre par pad rahi thi to uska gaura chehra aur bhi damak raha tha aur gulaabi lipstick mein range honthh chamak rahe the.

Halki hawa ke saath Shifa ke khule baal thode hawa mein lahra rahe the. Shifa ke chehre par halka sa tanaav tha kyu ki usko nahi pata tha ki is bheed mein kaha jaana hain. Abhi ka chaand aaj din mein hi ugh gaya tha.

Abhi ka rom rom Shifa ko dekh kar khil uthha tha. Pure ek saal baad Shifa ko dekh raha tha. College mein apne pyaar bhare dino mein ek din bhi bina miley unko chain nahi padta tha.

College mein chhuttiyo ke din bhi wo dono kisi ka kisi bahaane mil hi lete the aur tab socha nahi tha ki kabhi aapas mein dekhe unko 1 saal ho jayega.

Abhi wahi khada hokar Shifa ke chehre mein khokar dekhta hi rah gaya. Abhi bhi Shifa waisi ki waishi hi thi. Dubli aur khubsurat chehre ke tej ke saath.

Shifa ka college mein pahla din tha, us din bhi wo isi tarah bheed mein khoyi huyi si thi aur tab pahli baar Abhi ne usko dekha aur dekhte hi usi ka ho gaya tha.

Abhi ne us waqt bhi Shifa ki madad ki thi sahi raasta dikhaane mein aur phir un dono ki aesi dosti huyi jo kuchh mahino mein hi pyaar mein badal gayi. Zamaane ki dakhal ke kaaran unka pyaar shaadi tak nahi pahuch paya tha.

Shifa ko nihaarate Abhi ka dhyaan tuta jab ek mardana haath Shifa ke kandhe par aaya aur usko apni taraf khinch liya. Abhi ne dhyaan diiya ki jis aadmi ne Shifa ko apni taraf khincha tha wo uska husband Shahbaz ho sakta hain.

Next episode mein padhiye lambe samay baad Shifa aur Shahbaz ki mulaqaat kaisi rahegi.